ჩემი ევროპული ფასეულობები


ევროპა ყოველთვის იყო ინოვაციების კონტინენტი, მიუხედავად ხშირი ომებისა და პოლიტიკური შეხედულების ცვალებადობისა.
ყოველთვის იყო რაღაც, რასაც ევროპისთვის სარგებელი მოჰქონდა. მეორე მსოფლიო ომს, რომელსაც ევროპაში ჰქონდა ადგილი, შეეძლო წერტილი დაესვა ევროპის, როგორც კონტინენტის საერთო განვითარებისთვის. მაგრამ ევროპას აქვს შესანიშვანი გამოცდილება იმისა თუ როგორ უნდა აღიდგინო ღირსება ომის შემდეგ.
გარდა ამისა ევროპა ჩემთვის ფასეულია თავისი დემოკრატიულობით. სიტყვა ,,დემოსიც’’კი აქედანაა წარმომდგარი.
ევროპაშია მსოფლიოს უმსხივილესი ბრენდები, ორგანიზაციები და არცაა გასაკვირი რომ მრავალი ქვეყანა ევროკავშირისთვის და ნატოსთვის იბრძვის.ეს ჩინებული მაგალითია იმისა თუ რაოდენ სარგებელის მოტანა შეუძლია ევროპას.
დემოკრატიული საზოგადოება, დემოკრატიული მმართველობის სისტემა ევროპის კულტურასთან არის დაკავშირებული. ჩვენ გვიზიდავს, ამ სიტყვის სრულიმნიშვნელობით, ევროპის კულტურა. როდესაც ვსაუბრობთ ევროპული კულტურის შესახებ, ჩვენ არამხოლოდ ხელოვნებას, არამედ ცხოვრების სტილს, პოლიტიკურ კულტურასა და მართვის კულტურასაც ვგულისხმობთ.
რატომაა საჭირო და მნიშვნელოვანი ევროპული ფასეულობების ათვისება?!რატომ ხიბლავს საქართველოს ევროპა? იმიტომ, რომ ევროპამ თავის ისტორიაში ადამიანის ძირითადი ღირებულებები, ადამიანის თავისუფლება და უფლებები, საკმაოდ კარგად გამოხატა. ადამიანი, რომ შემოქმედებითი იყოს, აუცილებელია მისი თავისუფალება.
თავისუფლებაზე რთულია ისაუბრო, რადგან ამ ცნების აღქმა ყველასთვის განსხვავებულია. უმრავლესობის დამოკიდებულება და შეხედულებები თავისუფლებაზე გარკვეულწილად ჩემთვის მისაღებია და ეს “საკუთარი ცხოვრებით ცხოვრებას” უკავშირდება, მაგრამ არის ისეთი საკითხებიც რაც ჩვენს რელიგიასთან წინააღმდეგობაში მოდის და შესაბამისად, ეს ვერ იქნება ჩემთვის ფასეული. რაც შეეხება თანასწორუფლებიანობას, ამ საკითხშიც ევროპული პოზიცია მისაღებია. ევროპელთა უმეტესობა, სწორედ ამისთვის იბრძვის.

ჩემთვის ყველაზე მნიშვნელოვანი, ევროპელთა ცხოვრების სტილი და გარკვეულ საკითხებთან დაკავშირებით მათი დამოკიდებულებაა. ჩემთვის ფასეულია, რომ მათთვის მნიშვნელოვანი ადამიანი და მისი პიროვნულობაა. ფასეულია ის, რომ ყველა საკუთარი ცხოვრებით ცხოვრობს და ნაკლებად აინტერესებთ ის საკითხები, რომლითაც არ ცუნდა ინტერესდებოდნენ. ფასეულია, მათი მაღალი ტოლერანტობის გრძნობა. ფასეულია ევროპელთა უმეტესობის არჩევანი- ” ჯანსაღი ცხოვრების წესი.” ჩემთვის ევროპული ფასეულობა ასევე არის განათლება. ევროპა ცნობილია მსოფლიოს წამყვანი უნივერიტეტებით და ისინი საკმაოდ მაღალი დონის განათლების მიღების საშუალებას იძლევა.
ფასეულობა არის კულტურის, საკუთარი ქვეყნის და ენის პატივისცემა, რაც იმას ნიშნავს, რომ ევროპელები საკუთარ ეროვნულ ღირებულებებს აფასებენ და პატივსსცემენ. მაგალითად, შეგვიძლია მოვიყვანოთ თუნდაც ნორვეგია, სადაც ვერანაირად წინ ვერ წავა უცხოელი, თუ არ ისწავლის ნორვეგიულ ენას და კიდევ ბევრი მაგალითი ამდაგვარი საფრანგეთში და გერმანიაში.
ევროპული ფასეულობა კიდევ არის პიროვნული პატივისცემა. ევროპა გამოირჩევა ტოლერანტული დამოკიდებულებით პიროვნებისადმი, განურჩევლად სქესისა, ეთნიკურობისა, რასისა, პოლიტიკური თუ რელიგიური შეხედულებებისა…
თავად ევროპულ ხელოვნებაზე შეგვიძლია ბევრი ვისაუბროთ და მოვიყვანოთ მაგალითები არქიტექტურაზე, მუზეუმებზე, შენობა–ნაგებობებზე და ხელოვნებაზე.
ევროპული ფასეულობები საქართველოს ისტორიაში პირველი ოპერით, პირველი თეატრით, პირველი სიმფონიით შეიქმნა. საქართველო თავისი ეროვნული ფასეულობებით და კულტურით ევროპის ოჯახში გახდება მრავალფეროვნების ნაწილი და თავის წვლილს შეიტანს ,,მრავალფეროვან ერთიანობაში.’’
21-ე საუკუნის ადამიანი თავისუფალი უნდა იყოს საკუთარი აზრებისა და იდეოლოგიის გამოხატვაში და ამ მხრივ, ევროპა დიდ შესაძლებლობას აძლევს ადამიანს. ევროპელს შეუძლია თავისი აზრი გამოხატოს ნებისმიერი გზით, ეს შეიძლება იყოს აქციები, მედია-პრესა და ასე შემდეგ.
ევროპამ მტკივნეული მორალურ-ეთიკური, ისტორიული და ფილოსოფიური კვლევების გზა გამოარა, რის შედეგადაც ცხოვრების სტილის საჭირო, ღირსეულ და სასარგებლო მდგომარეობაში მოყვანა შეძლო. დღესდღეობით ევროპელი ხალხი მრავალსაუკონოვანი გამოცდილებისა და იდეების ნაყოფს იმკის, რადგან, ეს კვლევები, დებატები და შეხედულებები ყოველთვის პრაქტიკული, რეალური და ლოგიკური იყო.

გონების სავარჯიშოები


загруженное (1)

1) რამდენიმე ათწლეულის წინ ჟურნალ ნიუსვიკის გარეკანზე გამოსახული იყო მაგნიტოფონი, ერთი შენობა და წარწერა „იქსის ჩანაწერები“. ერთი წუთის შემდეგ აღადგინეთ წარწერაში ჩვენს მიერ გამოტოვებული სამი ასო და დაწერეთ თავდაპირველი ვარიანტი.
2) ბრიტანულმა პარლამენტმა მაღაზიათა ქსელი მარკს ენდ სპენსერი მოდიფიცირებული იქსების გამოყენებაში დააანაშაულა. იაპონიის მეტროებში თვითმკვლელობების შესამცირებლად პლატფორმებზე იქსები დაამონტაჟეს. დაგვისახელეთ იქსი.

3)კიპლინგის ნაწარმოების პერსონაჟები ლიროიდი, მალვენი და ორტერისი თავიანთ ქვედანაყოფში ყველაზე მოხერხებულები არიან და მუდამ მზად არიან თავგადასვლებისთვის. ნაწარმოების დასახელება ემთხვევა სხვა 1844 წლის პოპულარული ნაწარმოების სათაურს. დაწერეთ ეს სათაური.

Continue reading

რა უნდა გაკეთდეს სტერეოტიპების დასაძლევად?!


დააკლიკეთ სურათზე. Foto by Aishe ;)

დააკლიკეთ სურათზე. Foto by Aishe 😉

უარყოფითი სტერეოტიპები მავნეა ადამიანებისათვის, იგი უცოდინრობის ერთ-ერთი მაჩვენებელია.


პირველ რიგში, უარყოფითი სტერეოტიპების დასაძლევად საჭიროა, კონკურეტული სია შევქმნათ. სიაში ჩაწერეთ ის სტერეოტიპები, რომლებიც თქვენ არ მოგწონთ და ნელ-ნელა შეუდექით საქმეს. რიგ-რიგობით გაანადგურეთ თქვენში არსებული სტერეოტიპები. გაინტერესებთ როგორ?

1.ყოველი გაგონილი ნათქვამის ნუ გვჯერათ!    

  • გარკვევით შეამოწმეთ წყარო, რომლის მეშვეობითაც თქვენში გაჩნდა ამა თუ იმ სახის სტერეოტიპი, დარწმუნდით იმაში, რომ თუ რამდენად ჭეშმარიტია თქვენი სტერეოტიპი. ამ პუნქტის საშუალებით თქვენ შეძლებთ გაანადგუროთ უარყოფითი კულტურული სტერეოტიპი.

2.გარკვეული ერის ყოველი წარმომადგენელი ერთნაირი არ არის!

  • უნდა გახსოვდეთ, რომ ყოველი ადამიანი ინდივიდია და რადიკალურად განსხვავებულია ერთმანეთისაგან, როგორც საკუთარი პიროვნული თვისებებით ისე აზროვნების სტილითაც.

 

3.სამეგობრო წრის გაფართოებით!

  • იყავით კომუნიკაბელური და მეგობრული პიროვნება, შეიძინეთ სხვადასხვა ეროვნების მეგობრები, მათთან ურთიერთობის პერიოდში საშუალება გექნებათ, რომ გაანადგუროთ სტერეოტიპი, რომელიც გარკვეული ეთნოსის მიმართ გაგაჩნიათ.

4. ჩვენი თავი სხვის ადგილას წარმოვიდგინოთ!

  • თქვენს მიერ წინასწარ შექმნილი უარყოფითი სტერეოტიპის დასაძლევად საჭიროა, შეძლებისდაგვარად თქვენი თავი წარმოიდგინეთ იმ პიროვნების ან ჯგუფის ადგილას.

5. დამოუკიდებელი აზროვნებით.

  • გქონდეთ საკუთარი დამოუკიდებელი აზროვნება, ამისათვის კი საჭიროა, გქონდეთ განათლება და ცოდნა ამა თუ იმ საკითხთან დაკავშირებით. განათლებისა და ცოდნის მიღებისათვის კი, წიგნების კითხვა და ინფორმაციების მოძიებაა საჭირო, ამ ყველაფრისთვის კი უნდა იყოთ ზედმეტად ცნობისმოყვარე პიროვნება. 

ამ პუნქტის საშუალებით თქვენ შეძლებთ გაანდაგუროთ სტერეოტიპი, რომელიც გაგაჩნიათ გარკვეული რელიგიის მიმართ.

სასკოლო ფსიქოლოგის რჩევა – მას, ვისაც სწავლა სურს


რჩევა პირველი:

მეცადინეობა, რა თქმა უნდა თუ გსურს, უმჯობესია დაიწყო დილიდან. გაკვეთილები  დილა ადრიანად თუ გეწყება სკოლის შემდეგ უნდა ისადილო, ოდნავ დაისვენო, გაისეირნო. შემდეგ, სასურველია ერთხელ დადგენილ  დროს დაჯდე სამეცადინოთ.

რჩევა მეორე:

ძალიან მნიშვნელოვანია განეწყო საშინაო დავალების შესასრულებლად. საკუთარი თავი უნდა დაარწმუნო, რომ საშინაო დავალების შესრულება გესაჭიროება პირადად შენ და არა მასწავლებლებს ან მშობლებს.загруженное (1) Continue reading

მარტივი ხერხები – მეხსიერების გასაუმჯობესებლად


ადამიანის   ტვინი   უზარმაზარ   ბიბლიოთეკას ჰგავს,   სადაც   წიგნების   ნაცვლად   მეხსიერებაა შენახული.არსებობს   მისი   გაუმჯობესების   სხვადასხვა საშუალება:imggen

  1.         ყურადღების   მოკრება,   კონცენტრირება – აუცილებელია   მეხსერების   ეფექტურად მუშაობისთვის;
  2.         საუკეთესო   მეთოდი     ტვინის   ვარჯიშია -ეცადეთ, ყველგან ავარჯიშოთ ტვინი, სადაც არ უნდა იყოთ:
  •               საყვარელი   გადაცემის   ყურების   შემდეგ   გაიხსენეთ,   რა ეცვა   წამყვანსა   და   მის   სტუმრებს.
  •               სალონში   ლოდინისას   გადაათვალიერეთ   ნებისმიერი   ჟურნალი,   დახურეთ   და გაიხსენეთ,   რა   სათაურები,   რეკლამები   ან   ცნობილი   ადამიანები   შეგხვდათ.
  1.         ინფორმაციის დასამახსოვრებლად გამოიყენეთ სიტყვების ვიზუალიზაცია;

სურათის შექმნაში აბსოლუტური თავისუფლება გენიჭებათ. მთავარია, რაც შეიძლება სწრაფად, წამებში მოხდეს გამოსახულების  გონებაში აღბეჭდვა. რაც უფრო უცნაური, სულელური და ალოგიკური იქნება წარმოსახვა, მით უფრო კარგად დაგამახსოვრდებათ.

  1.         გამოიყენეთ საყოფაცხოვრებო ნივთები;

თუ   დილით   აუცილებლად   უნდა   გააკეთოთ   რამე   და   წინასწარ               ხვდებით,   რომ   დაგავიწყდებათ,   აიღეთ   რამე   საძინებლისთვის     უჩვეულო   ნივთი,   მაგალითად,   ტოსტერი,   და   დადეთ   იგი   შუა   საძინებელში   იატაკზე.   მეორე   დილით,   როდესაც   იატაკზე   უადგილოდ   აღმოაჩენთ   ტოსტერს,   აუცილებლად   გაგახსენდებათ,   თუ   რატომ   დადეთ   იგი.

  1.         ასევე ეფექტურია ინფორმაციის ხმამაღლა წარმოთქმა;

მუშაობის ან მეცადიენობის დროს შეამცირეთ გარეშე ხმაური, დაუწიეთ მუსიკას, გამორთეთ ტელევიზორი. სამუშაო მაგიდა ისე დადგით, რომ თვალი რაც შეიძლება ნაკლებ მოვლენებს ხედავდეს. ეს ყველაფერი დაგეხმარებათ ყურადღების კონცენტრირებაში.

  1.         ე.წ. დაქუცმაცების მეთოდი   უშინაარსო ინფორმაციის დამახსოვრებაში გვეხმარება;
  2.         თავი შეიკავეთ აგრესიისგან;

აგრესიის ნებისმიერი სახით გამოვლინება   პირდაპირ „ჭამს” ჩვენი ტვინის მეხსიერების უბნებს. ხშირად სტრესის გამომწვევი ფარული დეპრესიაა. დეპრესიით გამოწვეული მეხსიერების დარღვევები ადვილად იკურნება, მთავარია დროულად აღმოვაჩინოთ ნამდვილი მიზეზი და ყველაფერი ნაადრევ სკლეროზს არ დავაბარალოთ.

  1.          ივარჯიშეთ, ფეხით ისეირნეთ ან უბრალოდ     ხშირად იცეკვეთ;

ტვინის ნორმალური ფუნქციონირებისთვის აუცილებელია მოძრაობა. ტვინის მუშაობა დამოკიდებულია მისთვის ჟანგბადისა და გლუკოზის მიწოდებაზე, რაც თავის მხრივ დამოკიდებულია სისხლის მოძრაობაზე. უმოქმედობა ანელებს სისხლის ცირკულაციას და ჟანგბადის მომლოდინე ტვინის ქმედითუნარიანობაც იკლებს. უმოძრაობა ხელს უწყობს სიმსუქნის განვითარებასაც, რაც თავის მხრივ იწვევს სისხლძარღვების სანათურის შევიწროვებას. ესეც საბოლოო ჯამში ტვინის სისხლმომარაგებას აქვეითებს.

  1.         ტვინის ნორმალურად ფუნქციონირებისათვის ასევე აუცილებელია ძილი და დასვენება;

ეცადეთ, თავიდან აიცილოთ ღამის თენება და ორგანიზმს გამოძინების საშუალება მისცეთ.

  1. ზომიერი რაოდენობით ღვინის მიღება აუმჯობესებს ტვინის მოქმედებას და შესამჩნევად უწყობს ხელს მეხსიერების გაუმჯობესებას;

იმ ადამიანებს ვინც დღეში 1–2 ჭიქა ღვინოს იღებს, თითქმის 50% ნაკლები შანსი აქვს ალცჰეიმერის დაავადების განვითარებისა.თუმცა, სანამ ამ მეთოდს მიმართავათ, ჯერ ოჯახის ისტორიას გადახედეთ – ალკოჰოლისადმი განსაკუთრებული მიდრეკილება ხომ არ გაქვთ გენებში. და თუ ეს ასეა, შეგიძლიათ ყურძნის წითელი ჯიშები მიირთვათ – ისინიც საკმაოდ ეფექტურია.

  1. მიიღეთ რაც შეიძლება მეტი ხილი და ვიტამინი, განსაკუთრებით კი გაზაფხულზე;

ამ მეთოდის გამოყენება ხელს შეგიწყობთ მეხსიერებისა და მასთან ერთად ცხოვრების გაუმჯობესებაში.

ავტორი :ნინო ბაიდოშვილი. საიტი: education.ge

როგორ ვირჩევთ პროფესიას?!


images

პროფესიის არჩევა არ ხდება უცებ და არც ერთხელ და სამუდამოდ. ჩვენ ხშირად გვეკითხებიან რა გინდა რომ გამოხვიდე? ამ კითხვაზე სხვადასხვა ასაკში სხვადასხვაგვარად ვპასუხობთ: აღმოჩნდა, რომ:images (1) Continue reading

წარმატების გზა (მე-2, მე-3, მე-4 ეტაპი)


ოცნებას ზღვარს ნუ დაუდებ!

  • წვრილმან გეგმებს ნუ დააწყობ, ხიბლი არა აქვთ, დიადზე იოცნებე და დიდ-დიდი საქმეებიც დაისახე მიზნად! დენიელ ჰ. ბარნამი
  • ათიანში რომ გაარტყა, ცოტა მაღლა დაუმიზნე. უცნობი ავტორი
  • გამარჯვება უნდა გწყუროდეს და თავი არ დაზოგო, ფინიშთან პირველი რომ მიხვდე: მეორეზე გასული ვიღას ახსოვს! ბობი ლეინი
  • დიადი მიზნები დაისახე და აღასრულე კიდეც! აივონა ტრამპი
  • ყველაზე თავხედური და გაუმართლებელი იმედი ზოგჯერ თავბრუდამხვევი წარმატების მიზეზიც გამხდარა. ვოვენარჟი
  • ნადვილი მუსიკის დასაკრავად თვალი მუდამ უშორესი ვარსკვლავისგენ უნდა გაგირბოდეს. იეჰუდი მენუხინი

This slideshow requires JavaScript.

 

Continue reading

გინდა მიაღწიო წარმატებას?!


მოგესალმებით ძვირფასო მკითხველებო! პოსტი, რომელსაც ამ წუთას კითხულობთ, ნამდვილად დაგეხმარებათ იყოთ უფრო წარმატებულნი ნებისმიერ საქმიანობაში… მაგ: განათლების სფეროში, სპორტში, თუნდაც უბრალოდ ცხოვრებისეულ საქმიანობებში!

როგორ მივაღწიოთ წარმატებას?! ქვემოთ ჩამოთვლილ რჩევებს, რომლებიც სულ 12 ეტაპს შეიცავს, თუ გაითვალისწინებთ აუცილებლად მიაღწევთ სერიოზულ წარმატებებს! მაშ ასე დავიწყოთ ამ საიდუმლო რჩევების ჩამოთვლას.

Continue reading

აირჩიეთ სხვებისაგან განსხავებული ფიგურა!!!


სურათზე მოცემულია 5ფიგურა. აირჩიეთ სხვებისგან განსხავებული ფიგურა .  სანამ სწორ პასუხს იხილავთ ქვემოთ!!!

სურათზე მოცემულია 5ფიგურა. აირჩიეთსხვებისგან განსხავებული ფიგურა .

სურათზე მოცემულია 5ფიგურა. აირჩიეთ
სხვებისგან განსხავებული ფიგურა .

თუ კი თქვენ აირჩიეთ ბ ვარიანტი, ყოჩაღ! გილოცავთ სწორი პასუხია B.

დარწმუნებული ვარ, რომ ზოგიერთებმა C ვარიანტი აირჩიეთ.რადგან, სურათზე მოცემული ფიგურებიდან მხოლოდ და მხოლოდ C არის ასიმეტრიული.
ანუ C ვარიანტიც სწორი პასუხია.
მსგავსი სიტუაცია A ვარიანტშიც იყო. მხოლოდ ამ ფიგურას არ გააჩნია კუთხე. ამიტომაც A ვარიანტიც ჭეშმარიტი პასუხია.

როგორ ფიქრობთ B ვარიანტი თუ არის სწორი პასუხი?! მას გააჩნია სწორი და ასევე მრგვალი გვერდები. ეს თვისება მხოლოდ და მხოლოდ D ვარიანტს გააჩნია, ანუ D ვარიანტიც ჭეშმარიტი პასუხია.

ზემოთ ჩამოთვლილი სპეციპიკური თვისებები E ვარიანტსაც გააჩნია. ეს ვარიანტიც შეგვიძლიათ, რომ სწორ პასუხად ჩავთვალოთ.

რა თქმა უნდა ასეთი სახის შეკითხვა, სკოლაში გეომეტრიის გაკვეთილზე არ შეგხვდება…
მხოლოდ ერთადერთი პასუხი არის სწორი, ეს მცდარი ლოგიკა, ჩვენი ტვინის ყველაზე ღრმა ადგილას უკვე დამკვიდრებულია.

თუმცა, რეალური ცხოვრება გვიჩვენებს, რომ სინამდვილეში ეს ყოველთვის ასე არ არის. გააჩნია ეხლა რას ვეძებთ ჩვენ, შესაძლებელია, რომ რამდენიმე ჭეშმარიტი პასუხი ვიპოვოთ.

მაგრამ თქვენ თუ კი იფიქრებთ, რომ მხოლოდ ერთად ერთი პასუხი იქნება სწორი და იმ ერთ სწორ პასუხს თუ იპოვით, იმ წამიდანვე დაანებებთ ძებნას>> Roger von Oech.

ზუსტად ამიტომაც, ჩვენი პატარა ტვინები ჯერ კიდევ სკოლის პერიოდიდანვე, ჩვენი მასწავლებლების დამსახურებით მხოლოდ ერთი პასუხის ძებნაში ვართ დაკავებულები,
ამიტომაც ჩვენი ტვინი კარგავს ფანტაზიისა და კრეატიულად აზროვნების უნარს.

Albert Szent — György-ს ამ თემასთან დაკავშირებით ძალიან გონივრული ფრაზა უთქვამს: შემოქმედებითი უნარი არის ის რომ, რომ ყველასთან ერთად, ერთსა და იმავე ადგილის დათვალიერება, მაგრამ განსხვავებული რაღაცის ფიქრი.

ფიგურების მაგალითი აღებულია აზერბაიჯანული საიტიდან: kayzen.az

გადათარგმნილია ჩემს მიერ და დამატებულია ჩემი დამოკიდებულება ამ საკითხის მიმართ.